Türkiyədə baş verən hadisələrə dünya ulduzları da biganə qala bilməyiblər. ANS PRESS-in məlumatına görə, məşhur ifaçı Beyons öz konsertində Türkiyəyə jest edib. 

İfaçı Amsterdamda konsert proqramı ilə çıxış edib. "Halo" mahnısını ifa etməyə başlamazdan öncə o qısa bir çıxış edib. "Bu mahnını Türkiyədə həyatını itirənlərə həsr edirəm", dedikdən sonra o konsertə start verib.

İfaçının bu hərəkəti onun sürəkli alqışlanmasına da səbəb olub. 

Konserti izləyənlər arasında "Qalatasaray"ın  hollandiyalı ulduzu Vesley Sneijderin həyat yoldaşı Yolante Cabau da olub. Cabau bu anları "İnstagram" da "gecənin ən gözəl anı. Türkiyədəki itkilərə həsr edilən mahnı. Təşəkkürlər Beyons" şərhi ilə paylaşıb.